ចាន់ វឌ្ឍនាកា អាចនឹងលេងឲ្យក្លិបនៅ ថៃ ម៉ាឡេស៊ី សិង្ហបុរី និងអឺរ៉ុប

កីឡាករឆ្នើម ចាន់ វឌ្ឍនាកា ដែលកំពុងតែប្រកបអាជីពនៅក្នុងលីគទី៣ ជប៉ុន ជាមួយក្លិបបាល់ទាត់ Fujieda MYFC នឹងផុតត្រាកុងត្រារបស់ខ្លួនជាមួយក្រុមនាថ្ងៃទី ៣១ ខែ ធ្នូ ឆ្នាំ ២០១៧ខាងមុននេះហើយ ក្រោយពីបានយល់ព្រមចុះកិច្ចសន្យាកាលពីថ្ងៃទី ១៣ មករា ក្នុលក្ខខណ្ឌខ្ចីជើងរយៈពេលវែងពោលគឺ១រដូវកាលពេញសម្រាប់ឆ្នាំ២០១៧។

ជាមួយនេះផងដែរ លោក បែ មករា អ្នកចាត់ការទូទៅរបស់ក្លិបបឹងកេតបានប្រាប់ឲ្យដឹងថា៖« កុងត្រារបស់កីឡាករ ចាន់ វឌ្ឍនាកា ជាមួយក្លិប Fujieda MYFC នឹងត្រូវផុតនាថ្ងៃទី ៣១ ខែ ធ្នូ ឆ្នាំ ២០១៧ ខាងមុខនេះហើយ ដោយក្នុងនោះក៏មានក្លិបជាច្រើននៅក្រៅស្រុក ដូចជា ថៃ ម៉ាឡេសុី សឹង្ហបុរី និងអុឺរ៉ុបផងដែរ ដែលកំពុងតែទាក់ទងមកយើងក្នុងការនាំយក វឌ្ឍនាកា ទៅចូលរួមជាមួយក្រុមរបស់ពួកគេ ប៉ុន្ដែអ្វីដែរសំខាន់នោះ ទាំងខ្ញុំ និងក្លិប គឺគោរពនូវការសម្រេចចិត្តរបស់កីឡាករ ចាន់ វឌ្ឍនាកា ផ្ទាល់ថាតើចង់ផ្លាស់ទៅលេងនៅទីណា»។

ខណៈមកទល់នឹងពេលនេះ យើងមិនទាន់ដឹងថាតើ កីឡាករជំនាញជើងឆ្វេងរូបនេះ បន្តកុងត្រាថ្មីជាមួយក្រុម Fujieda MYFC បន្តទៀត ឬក៏ផ្លាស់ទៅលេងនៅក្លិបផ្សេង? ស្របពេលដែលឪពុករបស់ខ្លួន ចង់ឲ្យកូនប្រុសរបស់ខ្លួនទៅលេងនៅក្រៅប្រទេសជាង។ ចាំមើលថា តើម្ចាស់អាវលេខ១១ ក្រុមជម្រើសជាតិ រូបនេះនឹងជ្រើសរើសក្លិបណាសម្រាប់លេងនារដូវកាលក្រោយ?

គួររំលឹកថា ក្រោយពីបានទៅរួមរស់នៅប្រទេសជប៉ុនអតីតកីឡាកររបស់បឹងកេតអេហ្វសុី បានចូលលេងជាផ្លូវការបានតែ ១លើកប៉ុណ្ណោះនៅក្នុងលីគលំដាប់ទី៣ កាលពីជំនួបស្មើគ្នាជាមួយ SC Sagamihara និងបានបង្ហាញខ្លួននៅក្នុងពានរង្វាន់ Emperor’s Cup 2017 លើកទី៩៧ កាលពីថ្ងៃទី ៨ ខែ មេសា ឆ្នាំ២០១៧កន្លងទៅ ខណៈដែលបុរសវ័យ២៣ឆ្នាំត្រូវបានផ្លាស់ប្តូរចូលនៅវគ្គទី២ ដោយពុំបានទាត់បញ្ចូលទីនោះឡើយ ស្របពេលដែល ១លើកទៀតចូលលេងក្នុងការប្រកួតមិត្តភាពជាមួយ Meijyo University ដោយលទ្ធផល ៦ទល់១ ក្នងនោះរូបគេក៏បានទាត់បាល់ពីន័យ (free kick) បំប៉ោងសំណាញ់ទី ដែលជាគ្រាប់បាល់ដំបូងរបស់គេ។

Advertisements

ជិតចាប់ផ្តើមហើយ! បាល់ទាត់ ក្រុមកម្ពុជា-ហ្វីលីពីនSEA Game 2017

នៅសល់តែប៉ុន្មាននារទីប៉ុណ្ណោះ នឹងដល់ពេលកំណត់ នៃការប្រកួតរវាងក្រុមជម្រើសជាតិកម្ពុជា U22 និងក្រុម U22 របស់ហ្វីលីពីន នៅក្នុងព្រឹត្តិការណ៍ SEA Game 2017 នៅប្រទេសម៉ាឡេស៊ី។

បងប្អូនអ្នកស្នេហាកីឡា អាចទស្សនាការផ្សាយផ្ទាល់តាមរយៈ Link ខាងក្រោមនេះ។ សូមចូលរួមអបអរក្រុមជម្រើសជាតិរបស់ខ្មែរយើង!

តើកម្ពុជាកែប្រែប្រវត្តិសាស្ត្រប្រកួតបានកម្រិតណា?

(ភ្នំពេញ) ៖ អ្នកស្នេហាវិស័យកីឡាបាល់ទាត់កម្ពុជា កំពុងទន្ទឹងរង់ចាំមើលការប្រកួតកម្រិតតំបន់ SEAN Game ដែលរៀបចំឡើងនៅប្រទេសម៉ាឡេស៊ី ថាតើក្នុងឆ្នាំ២០១៧នេះ ក្រុមកម្ពុជា អាចកែប្រែប្រវត្តិសាស្ត្រ ចាញ់កន្លងមក បានដែរឬទេ។

គ្រូ​បង្វឹកក្រុមខ្លាំងម៉ាឡេស៊ីបានមានប្រសាសន៍ថា “កម្ពុជានឹង​ធ្វើ​ឲ្យ ថៃ វៀតណាម និង​ឥណ្ឌូណេស៊ី ភ្ញាក់​ផ្អើល”។ និយាយបែបនេះ ដោយសារលោកបានទស្សនាការប្រកួតរវៀង ក្រុមU22 កម្ពុជា ជាមួយក្រុមU22របស់ចិន និជប៉ុនកន្លងមក ដោយកម្ពុជាប្រកួតស្នើក្រុមខ្លាំងប្រចាំទ្វីប (ចិន) និងចាញ់ជប៉ុនតិចជាងការរំពឹងទុក។

20768254_1086276634840831_3344648146166668042_n

នៅសល់ពីរថ្ងៃទៀតទេ មានអ្វីជូនពរគាត់អត់?

នៅ​សល់តែ​2​ថ្ងៃ​ទៀតប៉ុណ្ណោះ​ នឹង​ឈានដល់​ការ​ប្រកួតរវាង​ក្រុមជម្រើសជាតិ​កម្ពុជា​ U22 ជាមួយ​ក្រុម U22​របស់ហ្វីលីពីន​ នៅវេលា​ម៉ោង​7:45​យប់​ ក្នុង​ព្រឹត្តិការណ៍កីឡាថ្នាក់តំបន់អាស៊ីអាគ្នេយ៍​ Sea Games 2017 ដែលម៉ាលេស៊ីជាម្ចាស់ផ្ទះ។

បងប្អូនអ្នកស្នេហាវិស័យកីឡា អាចទស្សនាការប្រកួតបាន តាមរយៈការផ្សាយបន្តផ្ទាល់ផ្តាច់មុខ នៅតាមកញ្ចក់ទូរទស្សន៍ហង្សមាស HDTV។

20664802_1086321261503035_3292710574167007242_n